"S&K Translation" Tərcümə Mərkəzi dünyanın bütün dillərinə peşəkar səviyyədə yazılı və şifahi tərcümə xidmətləri göstərir, sənədlərin notarial qaydada təsdiqini həyata keçirir, eləcə də digər müvafiq xidmətlərin göstərilməsini təmin edir.

Müqavilələrin tərcüməsi

Bir qayda olaraq, müqavilənin imzalanması uzunmüddətli əməkdaşlığın başlanğıcı olur. Tərcümə mərkəzinin sözləşmədə sadəcə vasitəçi rolu oynamasına baxmayaraq, iki potensial tərəfdaş arasındakı münasibətlər, eləcə də onların gələcək əməkdaşlığının uğuru məhz tərcümənin keyfiyyətindən asılıdır.

Biz bunu yaxşı dərk edərək, müqavilələrin tərcüməsini yalnız təcrübəli və hüquqi sahədə məlumatlı olan tərcüməçilərimizə etibar edirik. İxtisaslı əməkdaşlarımız müqavilənin spesifik predmetini (icarə, alqı-satqı, mal tədarükü, xidmətin göstərilməsinə dair və s.), hüquqi və işgüzar terminologiyanı nəzərə almaqla keyfiyyətli tərcümə məhsulu ortaya qoyurlar.

Bundan başqa, müqavilə hüquqi sənəd olduğu üçün biz adların, mülkiyyət formalarının və s. düzgün yazılışına diqqət edir, və trəddüd olan hallarda sifarişçi ilə razılaşdırırıq.

Biz sifarişçinin tələblərinə diqqətlə yanaşaraq, müqavilənin mətninin müvafiq qaydada tərtibatını (məsələn, orijinal və tərcümə variantı iki sütunda və s.), işin tələb olunan zaman çərçivəsində icrasını, məxfiliyin qorunmasını və sifarişçinin istəyi ilə tərcümə mərkəzinin möhürü ilə təsdiqlənməsini təmin edirik.